މިއަދުގެ މެޗު ކެންސަލް

މިއަދުގެ މެޗު ކެންސަލް

ލިޔުނީ : މިހާސް

ލަންދޫގައި މިހާރު ފެށިގެން ކުރިއަށްދާ ސިލްސިލާ އެކުވެރި ކަމުގެ ފުޓްބޯޅަ މެޗުތަކުގެ ތެރެއިން މިއަދު ހަވީރު ވެލިދޫ ޓީމާއި ދެކޮޅަށް ކުޅެން ހަމަޖެހިފައިވާ މެޗު ވައިގަދަވެ، ކަނޑުގަދަވުމުގެ ސަބަބުން ކެންސަލް ވެއްޖެއެވެ.

ލަންދޫ ޓީމް މިއަހަރު ކުޅެން ހަމަޖެހިފައިވާ އެކުވެރިކަމުގެ 6 ވަނަ މެޗު ކެންސަލްވީ ނަމަވެސް މިމެޗު މާދަމާ ނުވަތަ އަންނަ ހަފްތާގެ ތެރޭގައި ނަމަވެސް ކުޅެވޭނެއެވެ.

ލަންދޫ ޓީމުން މިހާތަނަށް 5 މެޗު ކުޅެފައިވާއިރު މީގެ ތެރެއިން 4 މެޗު ވަނީ ލަންދޫ ޓީމުން ކާމިޔާބު ކޮށްފައެވެ. މީގެ ތެރެއިން މިލަދޫ ޓީމްކޮޅަށް 6 ލަނޑު ޖަހައިގެން މޮޅުވި މެޗު ފަހަގަކޮށްލަން ޖެހެއެވެ.

ލަންދޫ ޓީމް މިވަގުތު އޮތީ ވަރަށް ރަނގަޅު ފޯމެއްގައެވެ. މިކަމުގެ ސަބަބުން އަތޮޅުގެ ބައެއްޓީމް ތަކުން މިދުވަސްކޮޅު ލަންދޫޓީމާއި ދެކޮޅަށް ކުޅުމަށް ޖެހިލުންވާކަން މި ފުރުޞަތުގައި ފާހަގަކޮށްލަމެވެ.