ލަންދޫގެ ޓީމެއް މިލަދޫގެ މައްޗަށް ހޯދި އެންމެބޮޑު ކާމިޔާބު

ލަންދޫގެ ޓީމެއް މިލަދޫގެ މައްޗަށް ހޯދި އެންމެބޮޑު ކާމިޔާބު

ލިޔުނީ : މިހާސް

ލަންދޫގެ ފުޓްބޯޅައިގެ ތަރީޙްގައި 1 މެއި 2010 ވީ ހޮނިހިރު ދުވަހަކީ ލަންދޫ ދަނޑުގައި މިލަދޫ ޓީމަކާއި އެކު އެކުވެރި ކަމުގެ ފުޓްބޯޅަ މެޗެއް ކުޅެވި މި މެޗު 6 ލަނޑު 0 ލަނޑުގެ ބޮޑު ތަފާތަކުން ލަންދޫގެ ފުޓްބޯޅަ ޓީމް މޮޅުވި ދުވަހެވެ. މި މެޗުގައި ލަންދޫއިން ނެރެފައިވާ ޓީމްގެ ފޮޓޯ މި ލިއުމާއި އެކު މިވަނީއެވެ.

މިމެޗުގައި ރެފްރީކަން ކޮށްފައިވަނީ ނ.ލަންދޫ މުސްތަރީގޭ އަލްފާޟިލް އަޙްމަދު މުޙައްމަދު ( ޕަޓޭ ) އެވެ. އެއްފަޅިން ލައިސްމަންކަން ކޮށްދީފައިވަނީ ޝަހީމް އިބްރާޙިމް ( ސަހިއްޓޭ ) އެވެ. އަނެއް ފަޅިން ލައިން ބަލަހައްޓައިދީފައިވަނީ މިލަދޫ ޓީމްގެ ފަރާތުންނެވެ.

މި މެޗުގައި ލަންދޫ ޓީމަށް ގޯލް ޖަހައިދީފައިވަނީ މި މެޗުގައި ފުލްކޮށް ކުޅުނު އެއްކުޅުންތެރިއެއްކަމަށްވާ ނ،ލަންދޫ ވިނަރެސް އަލްފާޟިލް އަޙްމަދު ރަޝީދު ( ލައިބު ) 1 ލަނޑު ، ފަހުހާފުގެ ވަކި ހިސާބަކުން ބަދަލްކުރެވުނު ނ.ލަންދޫ ވިނަރެސް އަލްފާޟިލް ޢަބުދުﷲ ނާޝިދު ( ނާއްޕެ ) 2 ލަނޑު ، މެޗުގެ ފަހު ހާފުގައި ބަދަލް ކުޅުންތެރިއެއްގެ ގޮތުގައި ކުޅެން ނިކުތް ނ.ލަންދޫ ރިލެކްސް އަލްފާޟިލް ޢަބުދުﷲ ޝިޔާމް ( ސީޓޭ ) 1 ލަނޑު ، މެޗުގެ ފަހު ހާފުގައި ބަދަލް ކުޅުންތެރިއެއްގެ ގޮތުގައި ކުޅެން ނިކުތް ނ.ލަންދޫ މޫރިތި އަލްފާޟިލް މުޙައްމަދު ނަސީމް ( ޓިންޓޮން ) 1 ލަނޑު އަދި މެޗުގެ ފަހު ހާފުގައި ބަދަލް ކުޅުންތެރިއެއްގެ ގޮތުގައި ކުޅެން ނިކުތް ގޯލްކީޕަރ ނ.ލަންދޫ ކާމިނީ ވިލާ އަޙްމަދު ޝަކީލް 1 ލަނޑެވެ. ( ޝަކީލް މިގޯލް ޖަހާފައިވަނީ ލިބުނު ޕެނަލްޓީއަކުންނެވެ. )

މި މެޗުގައި ކެޕްޓަން ބޭންޑްނޭޅިނަމަވެސް ކެޕްޓަނެއްގެ ގޮތުން މެޗުފެށުމުގެ ގޮތުން ގުރުއަތު ލުމުގައި ބައިވެރި ވެފައިވަނީ ނ.ލަންދޫ ފިނޮޅު އަލްފާޟިލް ހަސަން މާހިރު ( ހަސަން މާއްޓޭ ) އެވެ.

މި މެޗުގައި ލަންދޫ ޓީމްގެ ހުރިހާ ކުޅުންތެރިންވެސް ވަރަށްމޮޅު އަދި ހުނަރުވެރި ކުޅުމެއްދާއްކާފައި ވެއެވެ. މީގެ ތެރެއިންވެސް މެޗުގައި ފުލްކޮށް ކުޅުނު ޔޫސުފް ޢަބުދުއްރަޙީމް ( ޔޫއްޓޭ ) އާއި ހުސެން ޖަވާދު ( ޖަވާ ) އާއި ހުސްނީ ޢުމަރު ( ތަންބި ) އާއި އިސްމާޢިލް ޝިމާޒް ( ކައްޓި ) ގެ ކުޅުން އިތުރަށް ފާހަގަ ކޮށްލެވެއެވެ  އަދި މި މިމެޗުގައި ދެ ލަނޑޫ ޖެހި ޢަބުދުﷲ ނާޝިދު ( ނާއްޕެ ) ގެ ކުޅުން ފާހަގަ ކޮށްލެވެއެވެ..

މި މެޗުގައި ލަންދޫ ޓީމަށް ކުޅުނު އެންމެ ދުވަސްވީ ކުޅުންތެރިޔަކީ 33 އަހަރުގެ ޒަހީން ހަސަނެވެ . އަދި މި މެޗުގައި ކުޅުނު އެންމެ ޒުވާން ކުޅުންތެރިޔަކީ 18 އަހަރުގެ އިބްރާޙިމް ސަޢުދު އެވެ.

މިއީ ލަންދޫގެ ފުޓްބޯޅައިގެ ތާރީޙްގައި ލަންދޫގެ އެންމެ ވާދަވެރި މިލަދޫގެ މައްޗަށް ހޯދުނު އެންމެ ބޮޑު ކާމިޔާބެވެ. މި ބްލޮގުގެ ފަރާތުން ސްޕޮންސަރކޮށް ރޭވި މި މެޗު ޝަރަފްވެރި ކޮށްދެއްވާފައިވަނީ ނ،ލަންދޫ ކައުންސިލަރ އަލްފާޟިލް މަޖުދުﷲ ޢަބުދުއްރައްޒާގާއި " ލަންދޫ އިންފޯ .ކޮމް " ގެ މަސްޢޫލްވެރިޔާ އަލްފާޟިލް އަޙްމަދު ދާއޫދެވެ.