" ލަންދޫސޮކަރ.ކޮމް " އާއި އެކު އައު ފޭރާމަކަށް މަރުޙަބާ !!

" ލަންދޫސޮކަރ.ކޮމް " އާއި އެކު އައު ފޭރާމަކަށް މަރުޙަބާ !!

ލިޔުނީ: މިހާސް

މިއަދަކީ " ލަންދޫ ސޮކަރ " ގެ ތާރީޙްގައި ވަރަށް ޙާއްޞަ އަދި މުޙިއްމު ދުވަހެކެވެ. " ލަންދޫ ސޮކަރ. ބްލޮގް ސްޕޮޓް.ކޮމް " ގެ ނަމުގައި ފެއްޓި ބްލޮގް " ލަންދޫ ސޮކަރ.ކޮމް " ނަމަށް ބަދަލްވެގެންދާ ތާރީޙީ 10 – 10 – 10 ވަނަ ދުވަހެވެ.

މިތާރީ ދުވަހުގެ މުނާޞަބަތުގައި އެންމެ އިސްވާޖިބެއްގެ ގޮތުގައި އަޅުގަނޑު ދެކެނީ މި ސައިޓްގެ ކުރު މާޒީގައި މި ލިބުނު ކުރިއެރުންތައް ފާހަގަކޮށް މާތްﷲ ސުބުޙާނަޙޫ ވަތަޢާލާގެ ހަޟްރަތަށް ޝްކުރު ދެންނެވުމާއި އެކު މި ސައިޓްގެ ކާމިޔާބީ ކަމުގައިވާ މިސައިޓްގެ އެންމެހާ ބައިވެރިންނަށް މަރުޙަބާ އާއި ޝްކުރު ދެންނެވުމެވެ.

ތާރީޙީ ގޮތުން ފާހަގަ ކޮށްލެވޭ މި ރީތި ތާރީޙީ ދުވަހު މި ސައިޓަށް މި ބޮޑުބަދަލް ގެނެވުން މިއީ އިއްތިފާޤެއްކަމުގައި ވީނަމަވެސް މިއީ މި ސައިޓްގެ ފަރުމާކުރުންތެރިޔާގެ ބުރަ ބޮޑު މަސައްކަތެއްކަން މި ފުރުޞަތުގައި ޝްކުރުވެރި ކަމާއި އެކު ފާހަގަ ކޮށްލަމެވެ.

މި ސައުޓްގެ ޓެކްނިކަލް އަދި ޑިޒައިން ހުރިހާމަސައްކަތެއްވެސް ކުރައްވާފައިވަނީ އަދި ކުރައްވަމުން ގެންދަވަނީ ލަންދޫގައި އެފަދަ ދެވަނައެއްނުވާ އަޅުގަނޑުގެ އަޙް އަލްފާޟިލް ޢަބުދުﷲ އިބރާޙިމް ( ޒީރޯ ) އެވެ. މިފުރުޞަތުގައިވެސް ޢަބުދުﷲ އިބްރާޙިމް މި ސައިޓް ކުރިއަށް ގެންދިއުމުގައި ވެދެއްވަވާ އެހީތެރިކަމާއި އެއްބާރުލުން ފާހަގަކޮށް ޝުކުރުގެ ބަސްތައް ތަކުރާރުކޮށްލަމެވެ.

ތާރީޙީ ގޮތުން އައި މި ރީތި ތާރީޙީ ދުވަހު މިސައިޓްއަށް މި ބޮޑު ބަދަލް ގެނެވިގެންމިދަނީ އަޅުގަނޑުގެ އެކުވެރި އަދި އަޅުގަނޑުގެ ދަރިވަރު ނ.ލަންދޫ ކާމިނީވިލާ އަލްފާޟިލް އާދަމް ނަސީމް ( އެޑަމް ) ގެ ދީލަތި އަދި އިޙްލަސްތެރި އެހީތެރި ކަމާއިވެސް އެކުގައެވެ. މިފުރުޞަތުގައި މިފދަ ކޮންމެ މުޙިއްމު ދަޑިވަޅެއްގައި އެންމެ މުޙިއްމުވާ ވަގުތުތަކުގައި އެޑްމްގެ ފަރާތުން ލިބޭ އެހީތެރިކަމާއި އެއްބާރުލުން ފާހަގަކޮށް އެޑަމްއަށްވެސް ޝްކުރުގެ ބަސްތައް ތަކުރާރުކޮށްލަމެވެ.

ޙަޤީގަތުގައި މި ސައިޓް ވުޖޫދަށް އައިސް މިހާކާމިޔާބުކަމާއި އެކު އަވަސް ގޮތަކަށް ހަރުފަތަކަށްފަހު ހަރުފަތެއް ކަނޑަތުކުރެވެމުން މިދަނީ މިކަމުގައި އަޅުގަނޑަށް މަގުދައްކަވާ އިސްމޭސްތިރިންގެ ސަބަބުންކަން މިފުރުޞަތުގައި ފާހަގަކޮށް މި މަސައްކަތުގައި އަޅުގަނޑަށް އިރުޝާދު ދެއްވަވާ އަޅުގަނޑުގެ އަޙް އަލްފާޟިލް އަޙްމަދު ދާއޫދު ( އައްމަޑޭ ) އަށާއި އަޅުގަނޑުގެ އަޙް އަލްފާޟިލް ހާރޫން ރަޝީދު ( ހާރޫން ) އަށް ވެސް ޝްކުރުގެ ބަސްތައް ތަކުރާރުކޮށްލަމެވެ.

މާތްﷲ ގެ ހެޔޮރަޙްމަތްފުޅާއި ވާގިފުޅާއި އަދި މިންވަރު ފުޅާއި އެކު އަޅުގަނޑުގެ މަސައްކަތައް މި ގެނެވުނު ބޮޑުބަދަލާއި އެކުގައިވެސް އަޅުގަނޑު މަސައްކަތް ކުރާނީ ތެދުވެރިކަމާއި ، އަމާނާތްތެރިކަމާއި އެކު ލަންދޫގެ ފުޓްބޯޅައަށް ޚާއްޞަ ސަމާލްކަމެއް ދީގެން ފުޓްބޯޅައާއި ބެހޭ ތަފާތުމަޢޫމާތާއި ޚަބަރުތަކުގެ އިތުރުން މިކަމާއި ގުޅުންހުރި ފަރާތްތަކުގެ ސާފް ތެދު ސަޢްޙަ މަޢުލޫމާތުތައް ގެނެސް ދެވޭތޯއެވެ.

މިތާރީޙީ ދުވަހު އަދިވެސް އެއްފަހަރު މިސައިޓްގެ އަހުުވެރިންގެ ފަރާތުން ލިބޭ އެއްބާރުލުމާއި ތާޢީދު ފާހަގަކޮށް ނިޙާޔަތައް ޝްކުރުވެރިވަމެވެ. ޝުކުރިއްޔާ !